黑芝麻與雲呢拿

Hello，我哋係來自旺角嘅倉鼠寵物店，店內姊姊話我哋係男仔嚟！



小主人叫我哋小白小黑；女主人叫我哋黑芝麻和雲呢拿；男主人就叫我哋做笨蛋。

                                                              我哋最鍾意孖住瞓覺

我哋屋企好大，係獨立屋。下層有飯廳、客廳、洗手間和遊樂場，經過滑道上一層仲有兩間房添，居住環境簡直一流，真係恨死好多香港人！

我哋平時嘅生活就只係玩同瞓，唔駛返學唔駛返工，飯來張口就有嘢食，唔駛擔心通脹同退休問題，更加唔駛為份財政預算案上街遊行，簡直係「非人」生活，大家係唔係好羨慕呢？